Her koser ho seg saman med dei andre bøkene mine. På Facebook-sida til Det Norske Samlaget ligg eit liten videosnutt der eg pratar om boka. Og så kryssar eg fingrane for at det kjem nokre bokmeldingar etter kvart.
Den blå boka er komen!
Kategori ny bok
Ny bok i kjømda
Dei siste månadene har eg skrive for harde livet, og no er det ikkje lenge til skriftstykket skal ut i verda: Kunsten å irritera seg over skrivefeil kjem i vår! (I april, er planen). Den gilde bokbunaden har Johanne Hjorthol laga. Fylg med, godtfolk, dette vert spanande!
Andre meldinga av bukseboka
Den andre meldinga av Språket er ei bukse kom i Morgenbladet i slutten av juni, samstundes som eg skifte bustad. No dukka ho opp att mellom flyttekasser og målingsspann. Mange gilde ord frå meldar Helene Uri her!
Fyrste meldinga av bukseboka
Språket er ei bukse er meld i Bokmagasinet i Klassekampen i dag 22. juni. Meldaren har opplagt forstått kva eg prøver på, og innvendingane er vituge.
BOKA ER KOMEN FRÅ PRENTEVERKET
Så då er ho vel ute i butikkane om ikkje altfor lenge.
Foto: Det Norske Samlaget
Ny bok (snart): Språket er ei bukse
Denne boka skal etter planen koma i slutten av april. Berre å gleda seg! Må berre skriva henne ferdig fyrst …
Omslag: Johanne Hjorthol
Meir Morrabla og ymse anna
Så var det tid for ny Morgenbladet-stubb att, og denne gongen har eg skrive om den typen menn som gjerne vert kalla kulturmenn. (Sjå til dømes denne fine teksta av Marte Michelet: Kulturmannen, hvem er det?)
Stykket mitt ligg her: Eg lir av kulturmannmisunning
Og elles? Eg har nyleg signert ein kontrakt med Samlaget som seier at me skal gjeva ut ei bok i mars. Så mykje meir enn det vil eg ikkje seia, men eg kan i minsto røpa at temaet er språk. Nett no skriv eg for harde livet.
Dei som er på eller i nærleiken av Lillehammer 4. desember, er hjarteleg velkomne til dette arrangementet på biblioteket: «Lesber, litteratur og landsmål» – Kristin Fridtun snakkar om lidenskapane sine
Fine flokemeldingar
Homoflokar har vore ute i verda i om lag tre månader no, og eg kan ikkje seia anna enn at det har gått veldig bra. Gode meldingar har ho òg fått, mellom anna i Morgenbladet (her) og i Bokmagasinet til Klassekampen.
Nokre samtaler om boka skal det òg verta, mellom anna på biblioteket i Brumunddal 6. november (meir om det her) og på biblioteket på Lillehammer tidleg i desember. Eg kjem attende med meir info om det.
Bokmagasinet 11. august 2018
Homoflokar ute no!
Plutseleg var eg fireboksforfattar! Pamfletten Homoflokar kom frå prenteverket for ei dryg veke sidan, og no er ho sleppt ut i verda.
Ho kostar 149 kr og kan mellom anna kjøpast her eller i ein bokhandel nær deg. Eg kan varmt tilrå dei to andre bøkene i Norsk røyndom-serien òg: Eg snakkar om det heile tida av Camara Lundestad Joof og Ikkje ver redd sånne som meg av Sumaya Jirde Ali.
Bilete frå lanseringsfesten finn du mellom anna her.
Festivalar, lanseringar og anna moro
No dreg det seg til! Eg er nyss heimkomen etter eit fint arrangement på Nasjonalbiblioteket der eg tala om språk i lag med Helene Uri og Hilde Østby. Eg har litt å hyggja med meg dei neste vekene òg:
Litteraturfestivalen på Lillehammer
folketale 31. mai og opplesing 3. juni
Regnbuedagene i Bergen
opplesing/samtale 4. juni (meir info kjem)
Lansering 5. juni av antologien Ny amerikansk poesi, Samlaget
Eg og fleire har omsett eit utval amerikansk samtidslyrikk
Meir info om arrangementet her.
Dei nynorske festspela i Ørsta
samtale 8. juni og endå ei samtale 9. juni.
Lansering 11. juni av pamflettserien Norsk røyndom, Samlaget
Den vesle boka mi Homoflokar vert lansert saman med to andre: Eg snakkar om det heile tida av Camara Lundestad Joof og Ikkje ver redd sånne som meg av Sumaya Jirde Ali. Meir info om arrangementet her.
Kristin Fridtun 