I årevis har eg trædd på meg herredressar med galne mål og kvinnedressar med gale snitt og galne detaljar. No har eg prøvt skreddarsaum og ser meg ikkje attende.

Les artikkelen i Dag og Tid!

I tillegg til den faste språkspalta skriv eg nettartiklar for Dag og Tid i ny og ne. Sidan sist er desse artiklane publiserte:

Livet med knappetelefon (om å leva utan smarttelefon)

Forpesta språk (om pestrelaterte ord og vendingar)

Harving i bokhausten (om ordet haust)

Sidan sist er eit bokmanus ferdigskrive (meir info kjem), og no driv eg stort sett og skriv andre ting.

Mellom anna ein artikkel på nett i Dag og Tid om fleirtalspronomenet dei (bm. de) nytta om einskildpersonar: Be ein språkbrukar fortelja kva dei synest om denne pronomenbruken.

Framhald fylgjer!

Bokskriving på gang …

Men 19. september luftar eg meg! Då deltek eg i ein panelsamtale om dronning Kristina av Sverige, androgynitet og kjønnsdebatt m.m. i samband med Nationaltheatret si framsyning Dissekering av et snøfall (Sara Stridsberg). Les meir her.

Det blir litt reising og bokprat på meg i haust! Her er nokre av dei opne arrangementa som er planlagde.

Onsdag 13. september: samtale om Klok kvinne eller digg dame? på Camino Bok i Fredrikstad, kl. 19.00. Samtaleleiar er Erling Andre Flote. Meir info i Facebook-arrangementet.

Fredag 6. og laurdag 7. oktober: Litteratursymposiet i Odda. To programpostar: føredrag om Håvamål-boka og samtale med Linda Eide og Kjersti Mjør om tabuord og banning.

Laurdag 14. oktober: Norsk sakprosafestival i Oslo. Held festivalføredraget kl. 13.00.

Måndag 6. og tysdag 7. november: Valdres litteraturfest. Pratar om Håvamål-boka i Slidre på måndag og Bagn på tysdag.

Tysdag 14. november: Arctic Pride i Tromsø. Tromsø bibliotek og byarkiv kl. 19.00. Om eldre skeiv litteratur.

Laurdag 25. november: Føredrag om Klok kvinne eller digg dame? på Tønsberg og Færder bibliotek, kl. 15.00. Meir info i Facebook-arrangementet.

Klok kvinne eller digg dame? kom ut i slutten av mars, og så langt har det gått særs bra med henne. Det har vore gode meldingar i Morgenbladet (31. mars), Aftenposten (29. mars) og Klassekampen (29. mars).

Det vert ymse høve til å høyra meg snakka om boka framover. Til dømes Deichman Nordtvet fredag 12. mai (kl. 12.00) og Norsk litteraturfestival på Lillehammer laurdag 27. mai (kl. 15.00).

Ei ny bok er send i trykken! Ho skal vera ute i slutten av mars. Det vert lanseringsarrangement på Litteraturhuset i Oslo tysdag 28. mars kl. 19.00 og på Lillehammer bibliotek og litteraturhus torsdag 13. april.

Les meir om boka på sidene til Samlaget.

Torsdag 27. oktober, Ringsaker bibliotek: «Et hemmelig liv – Tre generasjoner med skeive erfaringer // Skeivt kulturår» Facebook-arrangement

Fredag 28. oktober, Ordfestivalen / Scene HumSam: «Kjønn på norsk – når nye tanker krever nye ord» Facebook-arrangement

Torsdag 17. november, Deichman Bjørvika: «Transdebatt med innestemme» Facebook-arrangement

I år fekk eg høve til å prata og spela musikk i P2 i nesten ein heil time. Sumar i P2-episoden min handlar om gutejenter og maskuline kvinner. Episoden ligg m.a. ute her og finst òg som podkast.

Eg har skrive eit lite stykke om terroråtaket i Oslo natt til 25. juni, publisert i Dag og Tid 26/2022. Det er mogleg å lesa og høyra kommentaren her.

Elles ser framsida slik ut, med teikning av May Linn Clement.