Det blir litt reising og bokprat på meg i haust! Her er nokre av dei opne arrangementa som er planlagde.

Onsdag 13. september: samtale om Klok kvinne eller digg dame? på Camino Bok i Fredrikstad, kl. 19.00. Samtaleleiar er Erling Andre Flote. Meir info i Facebook-arrangementet.

Fredag 6. og laurdag 7. oktober: Litteratursymposiet i Odda. To programpostar: føredrag om Håvamål-boka og samtale med Linda Eide og Kjersti Mjør om tabuord og banning.

Laurdag 14. oktober: Norsk sakprosafestival i Oslo. Held festivalføredraget kl. 13.00.

Måndag 6. og tysdag 7. november: Valdres litteraturfest. Pratar om Håvamål-boka i Slidre på måndag og Bagn på tysdag.

Tysdag 14. november: Arctic Pride i Tromsø. Tromsø bibliotek og byarkiv kl. 19.00. Om eldre skeiv litteratur.

Laurdag 25. november: Føredrag om Klok kvinne eller digg dame? på Tønsberg og Færder bibliotek, kl. 15.00. Meir info i Facebook-arrangementet.

Klok kvinne eller digg dame? kom ut i slutten av mars, og så langt har det gått særs bra med henne. Det har vore gode meldingar i Morgenbladet (31. mars), Aftenposten (29. mars) og Klassekampen (29. mars).

Det vert ymse høve til å høyra meg snakka om boka framover. Til dømes Deichman Nordtvet fredag 12. mai (kl. 12.00) og Norsk litteraturfestival på Lillehammer laurdag 27. mai (kl. 15.00).

Ei ny bok er send i trykken! Ho skal vera ute i slutten av mars. Det vert lanseringsarrangement på Litteraturhuset i Oslo tysdag 28. mars kl. 19.00 og på Lillehammer bibliotek og litteraturhus torsdag 13. april.

Les meir om boka på sidene til Samlaget.

Torsdag 27. oktober, Ringsaker bibliotek: «Et hemmelig liv – Tre generasjoner med skeive erfaringer // Skeivt kulturår» Facebook-arrangement

Fredag 28. oktober, Ordfestivalen / Scene HumSam: «Kjønn på norsk – når nye tanker krever nye ord» Facebook-arrangement

Torsdag 17. november, Deichman Bjørvika: «Transdebatt med innestemme» Facebook-arrangement

I år fekk eg høve til å prata og spela musikk i P2 i nesten ein heil time. Sumar i P2-episoden min handlar om gutejenter og maskuline kvinner. Episoden ligg m.a. ute her og finst òg som podkast.

Eg har skrive eit lite stykke om terroråtaket i Oslo natt til 25. juni, publisert i Dag og Tid 26/2022. Det er mogleg å lesa og høyra kommentaren her.

Elles ser framsida slik ut, med teikning av May Linn Clement.

Norsk litteraturfestival på Lillehammer er over for i år, og det var som vanleg moro å vera med, både som publikum og utøvar. Eg leidde ein samtale om kattar i barne- og ungdomslitteraturen, deltok i ein samtale på arrangementet Skeiv festkveld (biletet) og fekk med meg mangt anna, til dømes slam poesi-gildet på banknatta. No vert det rolege dagar på kontoret framover.

Den 8. mars fyk eg til Litteraturhuset i Skien for å snakka med Mona Høvring og Anne Spånem om kjønn, kjærleik og gleda ved å leika med språket.

Den 10. mars held eg føredrag på Nasjonalbiblioteket. «Skeiv ordhistorisk aftan», er tittelen.

Velkomne!

Seint i haust kom desse ut. Eg har skrive glupe ting i båe, synest eg sjølv. Katta couldn’t care less.

Meir om minoritetsdiskurs-boka her og eventyrboka her.

No byrjar turnéverksemda så smått å ta seg opp att! Laurdag 25. september klokka 18.00 skal eg til Strilabiblioteket Knarvik og halda føredrag om språkirritasjon. Arrangementet er ein del av Nynorskdagane i Alver. To veker seinare skal eg til Litteratursymposiet i Odda, der eg har fått heile tre oppdrag. Eit av dei er ein skeiv aftan der Lars Korff Lofthus og eg samtalar med Jens Kihl om «hug, homs og historie». Storgildt!

Elles skal eg hit og dit halda nokre innlegg på møte og seminar for særskilt inviterte. Så eg får då lufta meg litt – endeleg.