No er det råd å sjå dei to samtalene eg leidde på Norsk Litteraturfestival sist laurdag. Opptaket frå samtala med Kristina Leganger Iversen, Linn Strømsborg og Marie Aubert ligg her. Og her ligg opptaket frå samtala med Stephen Walton.
Bakombilete frå studioet på Marienlyst (foto: Norsk Litteraturfestival)
Det vart ingen vanleg litteraturfestival på Lillehammer i år, men det vert ein digital festival i samarbeid med NRK! Meir informasjon på heimesida til festivalen. Eg skal leia to samtaler på laurdag og ser fram til det.
Fyrste helga i februar (1.–2.) vert den skeive litteraturfestivalen Versus skipa for andre gongen. Det var veldig triveleg i fjor, og kanskje det vert endå trivelegare i år? Programmet ser i alle fall lovande ut. Eg skal så vidt i aksjon sjølv, men ser aller mest fram til å vera festivalgjest. Kom, kom!
Ny haust, nye oppdrag! Denne hausten har eg jamvel eit utanlandsoppdrag.
Onsdag 18. september kl. 19.00 skal eg preika om Språket er ei bukse på Nynorskens hus i Oslo. Meir info her.
Fredag 20. september skal eg prata om same emnet på Fredagslunsj på Kristiansand folkebibliotek.
Laurdag 21. september innleier eg på eit seminar om tufta til Noregs Mållag. Mykje spanande på programmet!
Måndag 30. september skal eg halda eit lite innlegg på Hieronymusdagen i Danmark. Temaet for stemna i år er «Kvinder i oversættelse», og eg skal tala om kvinneframstillingane i Håvamål-omsetjingar. Meir info her.
Tysdag 1. oktober kl. 18.00 vert det meir preiking om Språket er ei bukse, denne gongen på Hovudbiblioteket i Bergen. Meir info her.
Onsdag 9. oktober skal Helene Uri og eg til Deichman Grünerløkka og tala om klassikaren Egalias døtre (1977) av Gerd Brantenberg. Samtaleleiar er Madeleine Schultz. Fri inngang. Meir info her.
Tysdag 22. oktober kl. 19.00 vert det ein samtale på Elverum bibliotek om Språket er ei bukse. Facebook-hending her.
Onsdag 30. oktober skal eg delta på eit språkarrangement på Det Norske Teatret i Oslo i lag med Ingvild Bryn og Ola E. Bø. Facebook-hending her og litt info her.
Onsdag 20. november skal eg halda føredrag på Nynorskkonferansen, som i år vert halden på Hamar, Høgskulen i Innlandet. Meir info her.
Så var det tid for ny Morgenbladet-stubb att, og denne gongen har eg skrive om den typen menn som gjerne vert kalla kulturmenn. (Sjå til dømes denne fine teksta av Marte Michelet: Kulturmannen, hvem er det?)
Stykket mitt ligg her: Eg lir av kulturmannmisunning
Og elles? Eg har nyleg signert ein kontrakt med Samlaget som seier at me skal gjeva ut ei bok i mars. Så mykje meir enn det vil eg ikkje seia, men eg kan i minsto røpa at temaet er språk. Nett no skriv eg for harde livet.
Dei som er på eller i nærleiken av Lillehammer 4. desember, er hjarteleg velkomne til dette arrangementet på biblioteket: «Lesber, litteratur og landsmål» – Kristin Fridtun snakkar om lidenskapane sine
Bokpraten med Bjørn Hatterud nærmar seg: Tysdag om ei veke treffest me på Ringsaker bibliotek. Arrangementet byrjar kl 19.00 og varar til om lag 20.30, seier Facebook-hendinga.
Fri inngang og boksal.
No er det oktober, og då skjer det saker og ting:
Torsdag 18. oktober (kl. 18) deltek eg på arrangementet «Det vi skrev som barn» på Ingensteds i Oslo, saman med ein gjeng med fine forfattarar. Facebook-hending her.
Laurdag 20. oktober er det atter tid for Norsk sakprosafestival på Litteraturhuset i Oslo. Eg skal i aksjon to gonger: fyrst klokka 14, då Mímir Kristjánsson, Dag O. Hessen, Lars Lillo-Stenberg og eg skal presentera gamle skuleoppgåver … Skrekk og gru! Så klokka 16.30, då Helene Uri og eg skal halda kvart vårt stutte føredrag om språk og kjønn.
Talast!
No dreg det seg til! Eg er nyss heimkomen etter eit fint arrangement på Nasjonalbiblioteket der eg tala om språk i lag med Helene Uri og Hilde Østby. Eg har litt å hyggja med meg dei neste vekene òg:
Litteraturfestivalen på Lillehammer
folketale 31. mai og opplesing 3. juni
Regnbuedagene i Bergen
opplesing/samtale 4. juni (meir info kjem)
Lansering 5. juni av antologien Ny amerikansk poesi, Samlaget
Eg og fleire har omsett eit utval amerikansk samtidslyrikk
Meir info om arrangementet her.
Dei nynorske festspela i Ørsta
samtale 8. juni og endå ei samtale 9. juni.
Lansering 11. juni av pamflettserien Norsk røyndom, Samlaget
Den vesle boka mi Homoflokar vert lansert saman med to andre: Eg snakkar om det heile tida av Camara Lundestad Joof og Ikkje ver redd sånne som meg av Sumaya Jirde Ali. Meir info om arrangementet her.
Hiv og hoi! Laurdag 28. oktober deltek eg på litteraturfestivalen Språk og identitet på Oppegård bibliotek (Kolbotn). Her skal eg sitja på scena og tala med Maria Alnæs og Toril Opsahl om – ja, nettopp – språk og identitet. Me byrjar kl. 15.00. Velkomen!
Elles held eg på gjera ferdig eit lite bokmanus, så det er mangt å gle seg til framover.
Kristin Fridtun 